Diabierna den ora di atardi laat, despues di 6:30 pm, polis a detene tres hoben masculino den area di Wayaca. E tres hobennan aki tabata contesta polis basta fresco.
E tres hobennan aki no tabata comporta nan mes den e area. Polis a presenta n’e sitio pa asina atende cu nan. A hasta check si nan por tin droga of algo riba nan. Como cu nan no tabata haci caso di e agentenan, a solicita pa transporte policial. Aki a hiba nan warda di polis pa asina yama e mayornan y atende cu nan.
Na momento cu a hinca nan den e transporte policial, nan a cuminsa grita cu Aruba ta laf y nan kier bay Hulanda.
