Un caso hopi serio a keda registra. Aña nobo casi den oranan di merdia un homber cu tabata riba un tripo cu tres “amigo” cu a bira victima di nan.
Ta trata di persona cu supuestamente ta su amigo pero esey no ta e caso. E tabata hunto c unan den auto y dado momento den Sero Colorado a bati’e malamente y a bay cu su auto. E homber a keda atras malamente herida. A bati alarma pa manda ambulance cu urgencia den Sero Colorado.
Na yegada e personal di ambulance a constata cu ta basta sla e homber aki a haya pa cual a dicidi di transporte cu urgencia pa dr. Horacio Oduber Hospital. Dokternan tabata cla pa ricibi’e.
Un rato despues cu e melding a drenta na Polis, a bin haya informacion cu a haya e auto aki den Frankrijkstraat, cerca di e casnan social di FCCA na Bushiri. Ultimamente e area aki ta hopi den boca di pueblo pa motibo di autonan horta cu ta bin haya den bisindario ey.
![](https://24ora.com/wp-content/uploads/2024/01/IMG_0187-1920x1280.jpg)
E caso aki a bira mas cu un robo di auto pasobra pa por a logra bay cu e vehiculo a maltrata e doño malamente. Y a lag’e atras cu hopi sla na curpa. Hasta el a keda interna.
Polis tecnico mester a cuminsa buskeda di evidencia riba e auto aki, un Mitsubishi A-33481, contra esunnan cu a comete e acto serio aki. Na Sero Colorado unda a haya e victima, a cera caminda pa haci e investigacion forensico.
![](https://24ora.com/wp-content/uploads/2024/01/IMG_0201-1920x1280.jpg)
![](https://24ora.com/wp-content/uploads/2024/01/IMG_0196-1920x1280.jpg)
![](https://24ora.com/wp-content/uploads/2024/01/IMG_0193-1920x1280.jpg)
![](https://24ora.com/wp-content/uploads/2024/01/IMG_0189-1920x1280.jpg)
![](https://24ora.com/wp-content/uploads/2024/01/IMG_0194-1920x1280.jpg)
![](https://24ora.com/wp-content/uploads/2024/01/IMG_0184-1920x1280.jpg)