Diabierna dos biaha polis a atende cu trahadonan di Post Aruba N.V. Den oranan di atardi polis a bay atende cu un grupo di persona cu tabata bebe pafo di Fa Yang Supermarket na Sta. Cruz. Na yegada a constata cu ta trahadonan di Post. Den un manera masha trankilo polis a pidi nan pa bandona e sitio, mirando cu no ta permiti pa bebe y tampoco aglomera pafo di establecimento.
Como dos ora despues, esta pa mas of menos 7:20 pm, polis a presenta na Angochi Supermarket p’e mesun problema di aglomeracion y bebemento. Na yegada di polis, a constata cu ta e mesun grupo di mas trempan, pues e partidonan di carta. Mirando cu nan tabata asina betra, polis a duna nan un ’rijverbod’, pues no ta permiti pa stuur un vehiculo di motor. No ta conoci pa con largo e rijverbod aki lo ta keda na vigor.
