Den e ultimo dianan por a tuma nota di algun trabou di mantencion andando riba Watty Vos Boulevard. Ta trata aki di verfmento di e liñanan riba caminda como tambe e zebrapadnan. Mas cu claro, esakinan tur ta trabou cu mester ta realisa pa siguridad di e propio usuarionan di nos camindanan.
Sinembargo, tin hopi keho como tambe indignacion provoca pa esaki debi na e orario cu ta scoge pa realisa esakinan, pues den ora di merdia, cu regularmente tin hopi trafico. Esaki na su turno ta pone cu trafico ta keda mal pega pa basta rato.
Den un combersacion cu Asdrùbal Rojas, supervisor di WVB Project, el a splica cu ta debi na un cuestion di contract cu no por haci e trabounan aki ki ora cu ta sino solamente di 9:00 am pa 4:00 pm, ni prome ni despues.
Rojas a sigui splica cu pa realisa esakinan den ora di marduga of anochi, e proceso ta uno complica y trabou di anochi ta peligroso tambe. Pero a bisa si cu, no ta importa e orario cu nan haci e trabounan aki, semper lo bin keho di un of otro persona.
Pa un relato mas amplio lesa edicion di TREMPAN.
