Dia 19 di november proximo na club di Bubali lo tuma luga e di dos torneo Relampago. E campeonato aki ta cuminsa pa 6:00 pm, unda e teamnan ta busca pa bira campeon.
Diahuebs, dia 3 di november, a tuma luga na club di Bubali reunion cu tur doño y representante dje cuater teamnan di kickingball y cuater team di kickball. Durante e reunion a papia riba e di dos torneo Relampago organisa pa Javier Jaspe. E representantenan presente n’e reunion aki tabata Naomi Lugo representante di Avengers, Katy Montiel representando Ladys Power, Lineing Arevalo representando Black panthers, Maria Teresa Valdez representando Almas Libres.
E teamnan aki ta representa e genero femenino di kickingball, ya cu e ta un deporte pa hende muhe. Pero no ta solamente team femenino lo ta competiendo. Tambe tin cuater team mixto cu ta participa. E teamnan ta HoH (hospital), The Gladiators, Burashe y Te paden.
Durante e reunion a tira lot entre e teamnan pa asina haya sa ken ta hunga contra ken, orario di wega. Nan ta invita tur hende pa yega dia 19 di november pa presencia y disfruta un anochi deportivo, pero tambe pa apoya e deporte di kickingball.
![](https://24ora.com/wp-content/uploads/2022/11/WhatsApp-Image-2022-11-03-at-22.09.40-1.jpeg)
![](https://24ora.com/wp-content/uploads/2022/11/WhatsApp-Image-2022-11-03-at-22.09.40-2.jpeg)
![](https://24ora.com/wp-content/uploads/2022/11/WhatsApp-Image-2022-11-03-at-22.09.34.jpeg)
![](https://24ora.com/wp-content/uploads/2022/11/WhatsApp-Image-2022-11-03-at-22.09.37-1.jpeg)