Splash Softball Team un biaha mas ta organisa nan torneo di softball. E biaha aki nan a scoge pa dedica esaki na dos hungado di softball. Den e torneo aki ta conta cu dos team di Aruba, un di Corsou, un di Hulanda, y un di Merca.
Angela Geerman, presidente di Splash Softball Team, a indica cu e weganan a cuminsa diahuebs anochi na Madushi Stars y ta caba te diadomingo cu Zeta band. El a invita tur hende pa yega veld pa apoya e damanan cu ta hungando y disfruta di e weganan. A bin team di exterior, cual ta un di Merca, un di Hulanda y un di Corsou.
A haci homenahe na nan hungado Wendy Dirksz, cu tin mas tempo hungando cu nan, y e otro ta Rubia Ras. Rubia Ras a dedica su bida hungado softball fast pitch y a biaha diferente ocasion cu seleccion.
Somailey Lindeborg, hungado di Caribbean United di Corsou, a expresa cu nan presencia den e torneo ta bon. Nan tabatin un tiki dificultad pa bin, pero ta contento di por a bin y ta cla pa bataya. Nan no a prepara hopi pa e campeonato, pero esey no ta stroba nan di bin bataya.
Pa mas lesa TREMPAN.COM.
