Diasabra anochi, aunke tabatin detencion, e Toque De Queda di 10’or di anochi pa 5’or di mainta a bay basta trankil.
Tabatin en total di cinco persona cu a keda deteni. Tur esakinan a sosode prome cu 2’or di marduga. Toque De Queda tan a vigor for di 21 di maart ultimo, sinembargo te ainda e personanan pa motibo desconoci ta keda riba caya durante e orario ey. Mester bisa si cu el a baha drasticamente for di e prome dianan.
![](https://24ora.com/wp-content/uploads/2020/05/statistiek-diadomingo.jpeg)
Gobierno a anuncia recientemente cu poco-poco ta bay analisando tur e medidanan cu nan a tuma den cuadro di COVID-19, inclusive e Toque De Queda. Un periodo durante cual mas di 500 persona a keda deteni caba, hasta menornan di edad.