Tonito Farro ta un di e trahadonan di Rudy Paesch. E ta menciona cu e boet cu nan ta duna pa cada stoel, su doño di trabao no ta haya placa pa paga nan mas. Pa cada stoel ta 500 florin di boet. Si huur un umbrella y dos stoel ta 1500. Kico nan ta bay come. Awo ta mandando 20 hende cas. Unda nan ta bay. Tin hopi cos cu sa kico ta pasando y nan sa bon ken ta haci’e y kico nan ta haci, pero nan ta ataca e empleadonan di Rudy Paesch.
Farro ta menciona cu e polisnan ta yega y baha bruto riba nan. Esey no ta manera di un polis. Farro ta pidi nan pa nan nomber, pero nan ta contesta fresco. Nan no kier duna nomber. Nan ta actua mucho a base di e poder di nan uniform. E cos aki tin hopi tempo andando.
Nan a haya nan confronta cu polisnan. Nan ta drenta cu hopi mal manera. Awo cu ta papiando cu prensa, tur a bay. Nan sa cu ta bay bisa nan berdad y nan no por actua manera cu nan kier actua cu nan dilanti di prensa.
Farro ta sigui menciona, cu e no sa kico ta bay pasa cu tur ekipo di trabao. A kita hopi cos caba. Un proyecto di 30 aña bo no por kit’e den dos dia. Ora cu nan bin, nan ta bin bruto.
Ta un situacion fastioso. Tin hopi otro cos mas cu ta pasa rond. Farro ta menciona cu e ta un bon Arubiano. Cuanto biaha nan a yama imigracion, polis, Latinonan ta cogiendo nan pan y nan no tin ni papel. Y ora cu yama polis, nan ta core sconde. Constantemente ta e Arubianonan tin cu bay. A lo largo, ta Latinonan ta keda. Arubiano tin cu bay. 30 aña di servicio ta bay perdi.
Turistanan ta menciona cu nan ta warda Spring Break pa nan bin eybao. E no ta mira pakico nan tin cu bay. Tambe nan tin reservacion cu ta tuma luga di dos pa tres dia caba. Polis a bisa cu na no mag di haci’e. Ta kita e derecho unda e tin permit, mande bay cana riba beach bay traha. Nan ta trahando masha bon cu nan permiso. Sa cu nan tin cu bay, pero no por bin kita nan di e estado ey. E turista a paga caba, el a reserva caba. For di prome cu e asunto aki ta andando. Nan ta coriendo cu nan, sin laga nan duna servicio. Ta cosnan cu ta pasando, cu polisnan no kier para scucha. Nan ta haci abuso di nan poder. Nan no kier tende. Awo con nan lo bay haci, Farro ta menciona.
