Pa varios luna e Ley di BBO na frontera tabata punto di discusion entre Gobierno y e gremionan, tanto comercial como sindical y di e sector hotelero.
Diahuebs tabata asina leu Parlamento di Aruba a aproba e ley aki. Tisa La Sorte, CEO y Presidente di AHATA, a bisa cu ta un lastima cu Gobierno a pretende di sinta cu gremio y scucha e recomendacionnan y e cautela cu gremio kier a duna pa e manera con e ley a pasa.
No ta asina cu gremio no tabata di acuerdo cu BBO na frontera, pasobra cu BTW tambe lo mester a cobr’e na frontera, pero e contenido di e ley aki ta loke nan no ta di acuerdo cu ne. Un di e preocupacionnan di mas grandi ta cu tin un limitacion den e ley cu ta limita na solamente un aftrek pa un compania di e BBO cu e ta paga tur luna contra di e BBO cu e ta cobra di su clientenan e mesun luna, e ta limita esey pa solamente handelsgoederen. E limitacion ta causa cu e gastonan operacional, di tur compania, hasta esun cu bende solamente handelsgoederen, ta importa varios cos, cu no ta handelsgoederen pa cual nan gastonan tambe ta bay subi, cu ta nifica cu e gastonan ta bay subi pa e comunidad. La Sorte a sigui bisa cu ta un lastima cu den parlamento ta bisa cu e medida no ta causa cu e prijs ta bay subi, pero esey no ta berdad. Ora gasto operacional subi, prijs tambe ta aumenta.
TURISMO
Pa loke ta nos sector di Turismo, La Sorte a bisa cu entrante prome di augustus, Aruba lo bira mas caro. Esaki ta tanto pa comunidad como pa turismo. Ya caba den e ultimo añanan, tabatin tin hopi impuesto nobo, a hisa impuesto, cu ta hisa prijs. ora cu ta hisa prijs pa comunidad, ta hisa prijs pa turismo.
Pa mas lesa TREMPAN.
