Tin comentarionan cu na hospital, hende muhe y hende homber ta kedando den e mesun camber. Antes no tabata asina. Director financiero di hospital, Theo de Kool, a splica riba e maneho di enfermeria mixto, unda cu hende muhe y hende homber ta keda den e mesun camber.
No ta asina cu nan ta haci’e zomaar. Pero ta hopi bon pa por splica cu door di pone un pashent riba un afdeling, unda ta mira kico e pashent tin. E afdeling cu e pashent ta bay aden, tin di haber cu e malesa cu e pashent a wordo tuma den hospital.
Hospital a wordo parti den varios departamento y e departamentonan cu ta trata cierto specialismo y e enfermeronan ta entrena specialmente y tin experiencia cu cierto tipo di malesa. Esey ta nifica cu nan ta cualifica pa guia e pashent, informa nan bon riba e tereno cu nan ta admiti den hospital y cu nan ta capas pa tene na cuenta si tur cos ta bay bon manera ta e intencion.
Por mira tambe cu enfermeronan ta sigui cu cursonan di specialisacion. Manera e afdeling di neurologie, tin enfermeronan ta experencia pa trata cu pashentnan por ehempel cu CVA. Ta pashentnan cu no por haci mucho nan mes. Nan mester di hopi cuido. Door cu nan ta na cama, mester tene nan bon na cuenta y pesey mester tin enfermeronan experencia y entrena.
Fuera di esey tin otro aspectonan cu ta importante pa admiti un pashent. Si tin pashent cu tin heridanan infecta, nan no mag di ta hunto cu otro pashentnan cu por tuma over e infeccion. Otro pashentnan cu tin heridanan camber, mester keda apart tambe for di heridanan cu ta infecta. Tin hendenan cu tin malesnan infeccioso, cu no ta herida, pero cu tin cierto infeccionnan y tin cu keda apart. Tipo di aspectonan aki ta hopi importante, segun e director financiero, cu homber y muhe ta mescla den otro den un solo camber.
Na momento cu e pashent wordo admiti, si tin un escogencia pa un camber unda cu tin pashentnan cu ta hombernan hunto of muhernan ta hunto, ta tene esaki na cuenta, aunke cu e escogencia aki no tey mucho mas.
Kedamento den hospital, ta birando cortico. E problema di keda hunto, ta di duracion cortico, afortunadamente. Den experiencia di hospital cu si splica pashentnan dicon un hende ta keda den tipo di camber, y con e separacion ta cu cortina y con e privacy ta wordo salbaguardia. Y tambe cu e bañonan por wordo bon cera. E ora e pashentnan por lo general por ta trankil riba nan privacy. Hopi biaha ta hendenan cu ta keda pa corto tempo den hospital. Bishitantenan ta esun cu ta keha mas tanto di esaki. E pashentnan ta wordo informa completamente na momento di admicion.
De Kool a menciona cu e pashentnan ta rustig riba e manera con e privacy ta wordo salbaguardia.
Tin un punto di intencion riba e siguridad, cual ta papia cu e pashent. Tambe no a tende cu tin extra keho riba esaki. E rason pakico e cambio aki a bin pa e separacion di e departamento di dama y esun di cabayero, despues cu a existi pa hopi añanan largo y tambe di e klassenan, ta pasobra tin cambio den cuido. A haci cambionan cu pashentnan cu tabata tin mester di privacy pa motibonan medico, cu hopi biaha ta wordo poni riba e afdelingnan di klasse, pasobra den e cambernan un of dos pashent por bay aden. Den e edificio bieu tabata tin solamente cambernan di seis persona, unda cu no por a garantisa e separacion. Pashentnan cu ta muriendo por ehempel, den e ultimo dianan ta wordo poni su so den camber. Hopi pashent oncologico cu ta vulnerabel pa cualkier tipo di infeccion, hopi biaha ta wordo poni den un tipo di isolacion. E Klasse afdeling ta wordo uza hopi biaha pa e rason aki. Ta pesey hopi hospital, tin salanan grandi, unda cu tin seis cama, a elimina esakinan. Tambe den e toren nobo cu a drenta den servicio na November, tin cambernan di un of dos persona.
Despues di e renobacion lo bay den e toren actual tambe di cambernan di seis camber pa cuater cama y di dos pa un cama. Eynan tambe, cantidad di hende den un camber ta bira menos, tambe tin e chens cu cada biaha tin cuido mixto.
Esey ta yuda un tiki. Mientras tanto, te ora cu e renobacion ta cla, lamentablemente tin algo menos di camber. Tambe tin menos posibilidad pa uza cambernan bashi, pa percura pa hendenan wordo admiti sin mescla.
Proyecto
Hospital ta haciendo su best pa pone dama cu dama y cabayero cu cabayero. Si tin e opcion aki, ta haci’e sigur. Nan tin menos cama, te ora cu e edificio actual wordo renoba. Esey ta haci fastioso. Por lo general, hospital ta uno chikito. Tin hopi specialismo, pasobra nos ta riba un isla chikito. Hopi cos mester sosode local. Esey ta nifica cu e afdelingnan, ta relativamente chikito. Tin algun cama pa ortopedie, algun pa neurologie, of algemene chirurgie. Pero e afdelingnan por lo general ta chikito, compara cu hospital di Merca y Hulanda, manera cu nan tin henter un gang cu tin solamente tin pashentnan neurologico por ehempel, aki na Aruba no tin.
Akinan den un solo gang tin 4 pa 5 specialismo y asina aki ta dificil pa mantene dama y cabayeronan separa.
Ocupacion
Hospital, di tempo pa tempo ta relativamente yen. Tur aña na Januari y Februari tin problema cu epidemia di griep, manera e aña aki, unda cu un cantidad di hende a wordo admiti.
Algun camber a cay pasobra ta bezig cu construccion. E ora mester busca pa luganan adecuado pa e pashentnan. Esaki no a conduci cu hendenan a bay den exterior si. Ta mira si si e pashentnan por bay cas, cu extra guia y esaki a sirbi di bon, segun de Kool.
