Awe ta e prome dia di Vacunathon di dos edicion y a base di e cantidad di hende cu a vacuna desde principio di aña te cu awo, por bisa cu a yega na un total di 60 mil persona cu a vacuna.
Esaki ta danki na e yamada haci na pueblo pa bin duna di su banda y percura pa su salud.
Vacuna ta algo hopi importante pa asina nos keda combati COVID-19, cu a causa un impacto teribel na mundo. Pero poco poco nos ta sali fo’i dje.
Ainda tin un dia mas di Vacunathon. Si ainda bo no a vacuna of bo tin cu haya bo di dos dosis, pasa na un di e localidadnan, sea na Ritz Carlton, Don Bosco na Noord, Centro Libertador Betico Croes na Santa Croes of na Teresita Center na San Nicolas, for di 9:00 am te cu 4:00 pm nonstop y ricibi bo vacuna.
Tene na cuenta cu entrante dia 1 di juni por haya e vacuna aki na DVG a base di cita.
Aruba sigui asina. Ban keda combati COVID-19. Uni na e causa y vacuna.
