Fundacion VenAruba Solidaria a reuni cu formado, unda a trece dilanti nan puntonan di preocupacion. E fundacion aki ta bos y oido p’e inmigrantenan, p’esey a pone nan mes na disposicion di tanto e Venezolanonan como gobierno. A haci esey pa motibo cu hopi biaha tin mal informacion distorciona di kico ta pasando den comunidad Venezolano.
E fundacion ta bira un fuente, bira un blok entre comunidad Venezolano y gobierno esey ta pone cu hopi informacion lo sali real. Segun Luis Zarraga di Fundacion VeneAruba Solidaria, nan a trece hopi punto importante di e comunidad na Formado mr. Evelyn Wever-Croes. Nan tin e confiansa y fe cu e situacion pa comunidad Venezolano lo bira diferente.
Zarraga a reacciona riba e parti di discordancia por ehempel entre DPL y DIMAS. E ta haya cu meste bin un informacion general, pasobra mientras DPL ta aproba un permiso y DIMAS no. Esey ta un punto cu ta trece hopi gasto p’e Venezolanonan cu ta haci tramite cu no ta bay lihe. E comunidad Venezolano aki ta pasa duro y p’esey si e fundacion ta nan bos, esey por busca un solucion cu e permisonan mas lihe.
Pa cobertura mas amplio, lesa e edicion di TREMPAN mañan.
