Tiffany Stein a defende su tesis exitosamente den presencia di su famia y amigonan na Universidad di Aruba. El a presenta resultado di su investigacion cu el conducta pa obtene e titulo ‘Bachelor of Arts’ di e programa academico Organization, Governance & Management (OGM) na Universidad di Aruba.
Tiffany a presenta resultado di su tesis dilanti di un comision di graduacion, consistiendo di su supervisornan cual ta Mieke de Droog Ph.D y Luc Alofs Ph.D. Tiffany a conducta un investigacion tocante ‘deteccion tempran di mucha cu visual incapacita na Aruba y garantia di atencion y servicio oportuno; strategia di MDT-VOV.’ MDT-VOV ta abreviacion pa Multidisciplinair Team – Vroegtijdige Onderkenning van Visuele Stoornissen (MDT-VOV). E proposito di su investigacion tabata pa determina con e extento di esfuerso di MDT-VOV den e ultimo dies aña a conduci deteccion trempan, cuido y guia di mucha cu visual incapacita. E topico ta un sumamente relevante, den census di 2010 tabata tin 3,105 hende cu visual incapacita.
Tiffany ta raporta cu deteccion y tratamento trempan di visual incapacita ta engrandece e oportunidad di por exitosamente trata e desorden. Ademas, un mucha cu un desorden no detecta por tin retraso den desaroyo di habilidad, afecta sentido, afecta desaroyo di conducta social den infantil y recaida di desaroyo. Tiffany a haya cu un investigacion di e nivel aki lo ta di balor adicional e comunidad di Aruba y pa esnan cu visual incapacita. E ta pone enfasis riba e hecho cu ta importante pa reconoce cu tur hende ta diferente, merece oportunidad igual y nan mesun perspectivo.
Tiffany ta sumamente agradecido na su famia y profesornan na Universidad di Aruba pa e guia y apoyo pa asina e por a completa su estudio. Departamento di ‘Organization, Governance, and Management’ y miembronan di e comision di graduacion ta felicita Tiffany cu su titulo. Tambe ta felicita e comunidad academico, amigo, famia y conocirnan pa e logro di Tiffany Stein. Ta desea Tiffany tur clase di exito pa su estudio y futuro carera. Pa mas informacion riba e estudio OGM, bishita e pagina di web di Universidad di Aruba na http://www.ua.aw/OGM y e Facebook pagina cual ta https://www.facebook.com/pages/University-of-Aruba-OGM-Organization-Governance-Management-FAS/
