Casino na Ritz Carlton ta introduciendo e Onyx Card na su clientenan cu ta hungando den e casino. Rino Kuiperi, Casino Player Development Executive, a splica cu ta un carchi cu nan a introduci, mirando e calidad di e hungadonan aki ta riba un nivel hopi halto.
A dicidi, hunto, den un reunion, yega na un decision, unda cu lo bay introduci un carchi cu yama Onyx, cu ta hibabo na un nivel cu ningun otro casino por ofrece.
E Onyx ta e carchi actualmente ta e player’s card mas poderoso cu Aruba y Caribe por ofrece y e beneficionan cu e ta duna.
Beneficionan
Kuiperi a menciona algun di e beneficiosnan, manera ora cu bo bira miembro di Onyx pa cuminsa, ya bo ta haya 300 dollar na slotplay, djis pa bira so. Un otro beneficio cu e ta duna ta, cu bo ta haya 150 dollar na slotcredit semanalmente, cu ta yega na un total na 600 dollar, esta mas di 1000 florin. Tur siman cu bo bin casino, bo ta ricibi 150 dollar pa bo hunga.
Ademas di esey bo ta ricibi 400 dollar, 100 dollar tur siman pa bo hunga riba mesa. Hunto cu esey a mira cu esey no ta suficiente. E cliente ta haya 150 dollar cu bo por uza na SPA of cualkier restaurant luhoso cu Ritz Carlton tin. Esey tambe ta semanalmente.
Un di e otro beneficionan, bo ta haya 4 anochi free cada tres luna, den e cambernan luhoso di Ritz Carlton. Esaki ta inclui 300 dollar, cual ta mas di 500 florin, na cuminda y bebida. No tin un otro luga cu por ofrecebo e beneficionan aki.
Ken por aplica
Bo no por yega aplica pa e Onyx Card. Bo ta yega na dje door di bo hungadanan. Segun cu bo hunga, bo ta subi di nivel. Tin diferente nivel di carchi, pero ora bo yega na cierto cantidad di punto, ya e carchi Onyx ta cay aden. Bo no por yega registra pa na un Onyx.
E Onyx Card ta exclusivamente pa Ritz Carlton di Aruba.
App
Diadomingo nobo The Casino di Ritz Carlton, fuera di a lansa e Onyx Card, nan a lansa un app. Segun Axl Ismail, director di casino operations na The Casino di Ritz Carlton, locual e beneficionan di e app aki ta, lo bay tin tur promocion di e casino, bo lo tin’e na punta di bo dede. Constantemente lo bo wak kico ta pasando den e casino, con ta e maneranan pa acumula punto pa bo haya bo premionan y tambe ta duna ofertanan exclusivo di e app. Tur hende cu download esaki, na cada momento por haya un oferta exclusivo pa bay e casino pa redeem esaki.
Con pa haya e app
Ismail a conta cu bo por wak e app aki tur caminda, sea bo ta na trabao, na cas, bo por mira precies kico ta pasando na Ritz Carlton, pa bo bin y disfruta di e casino.
