Alexina van den Berg, Marketing Manager na The Casino Aruba na Hilton Aruba Caribbean Resort & Casino ta splica riba inicio di torneo The Caribbean Poker Series.
Esaki ta e prome cu a bini cu ne despues di tres aña hunto cu WSOP (World Series of Poker) y door cu el a bay asina bon a dicidi di saca nan mesun brand ‘The Caribbean Poker Series.’
Esaki a cuminsa 21 di september cu lo consisti di 11 dia di diferente torneo.
Cada wega tin nan regla, cual bo por mira riba website di The Casino Aruba (tcaruba.com) unda por haya tur informacion.
Lo tin diferente celebridadnan cu lo ta yegando e siman aki pa weganan mas grandi. Pa localnan cu lo kier participa den e promocion por pasa libremente na The Casino cu ID valido, bo lo haya un badge y cu esaki bo por participa den tur e dianan di torneo.
“Nos ta invita un y tur pa bin purba bo suerte den e ballroom di Hilton Resort y bin purba bo chens pa gana 150 mil dollar cash!”
