For di trempan a mira un crucero pafo na algun miya ta standby. Un barco cu mester a drenta waf di Aruba cu miles di turista for di trempan.
A resulta cu e tabata tin poco problema di motor pa atende. A keda basta ora na algun miya y diasabra atardi rond di 5:00 finalmente el a drenta waf di Aruba.
Ya pa 6or a mira hopi turista cu kier a probecha un tiki di nos isla prome cu solo baha. Logicamente pa e operador di tour e tabata un dia sin gana placa.
Dimes siguridad tin prioridad y p’esey tabata necesario pa haci e pruebanan di motor “Engine Test” riba lama prome cu Celebrity Beyond drenta waf crucero na Paardenbaai.
