Un teremoto di magnitud 7,3 a sacudi Venezuela diamars atardi, e Servicio Geologico di Merca a informa (e instituto di sismologia local a ubik’e riba 6,3). E movimento a wordo isnti cu forsa na Caracas y a obliga e evacuacion di edificionan.
Aunke inicialmente a inica cu tabata tin un magnitud di 7 grado, posteriormente a realisa un ahuste. E sistmo tabata tin un profunidad di 123,2 kilometer y e epicentro a keda ubica na 20 kilometer noord noord oost di Yaguaraparo.
A sinti e teremoto cu mayor forsa den nort di e pais, den varios punto di Caracas y e estadonan Miranda, Carabobo, Aragua, Zulia, Anzoategui, Sucre y isla di Margarita.
Decenas di persona mester a bandona nan cas y oficina. Hopi a keda riba caya mientras cu autoridadnan a permiti nan reingresa.
“E mucha muhenan a cuminsa sinti y a baha coriendo y a sinti hasta incluso riba e trapinan,” Jonathan Cuberos, di 39 aña, gerente di un comercio den e urbanisacion di La Castellana, a bisa.
E minister di Interior, Nestor Reverol, a duna un mensahe na e pais poco minuut despues di e teremoto y a bisa cu no tabata tin reporte inmediato di e dañonan. Di e manera aki a anuncia e activacion di tur e servicionan di emergencia y di Proteccion Civil den tur e estadonan di e nacion petrolero Sur Americano.
“Nos a sinti’e pa mas di dos minuut, nos a marea hopi, e lampinan a cuminsa move, pero no tabata tin daño den e zonanan cercano,” Rosymer Rodriguez, un periodista di e ciudad oriental di Cumana, capital di estado Sucre, a bisa.
“Ainda tin hende riba caya, tin hende cu ta preparando pa tur cos, por si acaso tin un aftershock,” Reuters a agrega.
Mensahenan riba rednan social a indica cu e movimento a sinti fuertemente den henter e costa nort di e pais.
Personanan na Colombia y Ecuador tambe a bisa di a experimenta e temblor. Poco despues di e sismo, Aeronautica Civil Colombiano a informa atrabes di Twitter cu e aeropuerto di Bogota a cera mas of menos dies minuut pa inspecciona e pistanan. Sin embargo, awo ta opera cu normalidad.
E sismo a sosode mientras cu den e palacio di gobierno a realisa un concentracion di apoyo pa e presidente Nicolas Maduro.
Un capitan di bombero di e capital, John Boquett, a bisa Associated Press cu te awor aki bomberonan no tin reporte di herido. Boquett a indica cu den e informenan cu tin te na e momentonan aki no tin daño na e structuranan na Caracas: solamente tin un edificio den e ciudad cu a sufri un desprendimento den e parti di su fachada sin cu a reporta heridonan na e luga. El a splica cu e pobladornan di e capital a desaloha sin problema e edificacionnan.
