Tin un area den Helfrichtstraat cu e habitantenan ta masha preocupa pa cu esaki. Cada dia nan ta mira mas sushi ta acumula eynan. Y no ta simplemente sushi cu biento ta hisa tira eynan of cu ta lora yega eybou. Pero ta sushi cu un of mas persona ta trece y deshaci di nan eybou.
Por mira carton di e caha di cerbes, pero no un pero varios. Banda di esey, por mira sushi di mata corta, kerstboom bieu, corchon y boternan bashi. E tipo di sushi su mayoria ta parce di ta procedente di un negoshi.
Ta pidi ayudo na instancia concerni pero tambe ta pidi pa studia e viabilidad pa pone un baki grandi den diferente bario pa tira sushinan grandi di cas.
