Den fin di siman dokter Guaicaipuro Jimenez a bishita e training di Taekwondo Team Aruba. E tabata den cercania y a dicidi di bin wak con training ta bayendo y a ofrece su ayudo medico pa e atletanan.
Dokter Guaicaipuro Jimenez ta conoci den e mundo di taekwondo y semper tin tempo pa taekwondo y t’ey pa duna un man. Diasabra tabata su dia di celebra su cumpleaño y asina a tuma tempo pa bin wak con e training ta bayendo y a probecha pa papia cu Master Yoshmar Wever y Master Clifford Rasmijn.
E tabata sorprendi di e cantidad di atletanan cu tabata train. Tambe tabata sorprendi di mira cu Master Yoshmar Wever y Master Clifford Rasmijn tin hopi atencion cu e training y ta prepara e atletanan pa e proximo eventonan internacional.
