Ta monitoreando un disturbio ubica parti oost di Lama Caribe pa un posibel desaroyo tropical y lo manda un ola di humedad pa Puerto Rico y Hispaniola den e proximo siman, alimentando awasero y tormentanan electrico riba e islanan aki.
E area di cluma perturba ta denomina invest 95L door di e National Hurricane Center. Esey ta nifica e convencion uza pa identifica ubicacion den Atlantico cu NHC ta rastreando pa un posibel desaroyo tropical.
Pa awor aki NHC a duna e sistema aki un posibilidad abao pa converti den un depresion tropical durane e proximo cinco dianan.
Area postencial pa desaroyo
Apesar di e desaroyo aki, a surgi humedad tropical cu lo produci awasero pisa na nivel local y posiblemente inundacion na Puerto Rico y Hispaniola den e proximo dianan, mientras cu e disturbio ta sigui bay noordwest den e parti nort di Lama Caribe.
E interaccion di tera cu e islanan di Caribe aki probablemente lo evita e desaroyo den futuro a corto plazo.
Sin embargo, NHC a bisa cu e condicionnan por ta un poco mas propicio pa e desaroyo una bes cu e sistema aki move cerca of parti oost di e estrecho di Florida na final di e siman aki.
Esaki no ta algo cu tin cu preocupa demasiado pa awor aki, pero ta un recordatorio cu ta acerca e lunanan importante pa loke ta e temporada di horcan y NHC ta controla hopi disturbio. Algun di nan ta desaroya, mientras cu otronan no.
Chantal lo ta e nomber cu lo uza pa e proximo tormenta tropical cu lo desaroya den e Cuenca di Atlantico e temporada aki.
Meteo Aruba
Pa loke ta e situacion na Aruba, segun Meteo, e ola tropical den e parti oost di caribe lo pasa cu mayoria di wee noord di e region local bayendo west den curso di e proximo 24 oranan. Sinembargo humedad y instabilidad ta trece pa e sistema aki lo por produci algun awasero cu tambe un chens pa lamper y strena. Awasero localmente pisa lo por causa molester na cierto partinan di e isla.
Tambe ta pidi ocupantenan di boto chikito pa bay cu cautela riba lama habri y cerca di awacero.
Pronostico di tempo pa proximo tres dianan
Parsialmente nubla cu localmente un awasero breve. Biento lo ta modera te basta fuerte for di generalmente direccion oost; den dia fuerte te posiblemente duro den rafaga.
