Dia 15 di februari ultimo e fraccionnan di MAS y AVP a manda un carta pa Presidente di Parlamento pa un reunion cu minister Ursell Arends. A pidi pa nan trata den un openbare vergadering e topico di bejaardentehuizen.
E dos fraccionnan kier pa Minister di Transporte, Integridad,Naturalesa y Asunto di Grandinan presenta na Parlamento di Aruba pa asina e duna un splicacion amplio riba subsidio di bejaardentehuizen. Pa hopi tempo e ta un secreto publico cu tin lista di espera largo p’e casnan di cuido di hende grandi. Tambe pa haya mas informacion riba e recorte di SABA/CMCC.
Dialuna, dia 8 di mei, griffier di parlamento a manda un carta na e parlamentarionan informando cu dia 15 di mei, esta dialuna proximo, e mandatario lo ta presente. Aki nan ta bay trata riba e recorte di subsidio di verzorgingstehuizen y consecuencia negativo p’e grupo di hende grandi kwetsbaar cu tin derecho riba calidad.
