Boneiro a experencia dos blackout riba 24 di november 2022. E blackout a surgi debi na problemanan cu e sistema di transmision den e central situa na Karpata. Pa por haci e investigacion necesario, a contrata un ekipo tecnico pa haci investigacion extenso pa yega na e causa di e incidente. E ekipo ta forma pa ehectivonan di Water – en EnergieBedrijf Bonaire (WEB), e personal tecnico di Contour Global Bonaire (CGB), hunto cu expertonan local y internacional.
Lo comparti resultado di e investigacion cu publico en general na su debido tempo.
Kico a pasa:
- Pa 3:03 pm WEB Bonaire a confirma fayo den suministro di coriente y a confirma un blackout.
- Pa 4:30 pm WEB Bonaire gradualmente a cuminsa restaura e conexionnan di coriente na varios area di Boneiro. E restauracion di e planta despues di un blackout ta rekeri un sincronisacion hopi cuidadoso di e liñanan di transmision ya reconecta. Esaki por tuma varios ora.
- Sinembargo, debi na un problema tecnico inespera cu a tuma luga 7:00 pm, a produci un di dos blackout. Mester a lanta e planta pa di dos biaha.
- Pa 3:00 am CGB a experencia un di tres incidente, un fayo den e sistema di generacion di energia cu a resulta den interupcion na algun area di Boneiro.
- Awe diabierna 25 di november e produccion di coriente lo sigui critico.
Kico WEB ta haciendo
Den oranan di mainta caba a yega diferente experto internacional y durante henter dia ta haci investigacion. Tanto di e teamnan local como di esunnan internacional cu a traha duro pa por a restaura coriente na Boneiro. Lo sigui investiga y vigila stabilidad di e red den e proximo dianan.
WEB ta consiente di e molester cu e situacion aki a ocaciona. E interupcion aki a afecta fanaticonan di futbol cu a keda descepciona cu nan no por a disfruta di e wega di futbol of di e festividadnan.
WEB y CGB a pidi disculpa pa tur inconveniencia cu e blackout a causa pa e pueblo Boneriano.
