Departamento di Aduana Aruba a anuncia un rato pasa cu e aña aki, den temporada di Pasco ta pidi comunidad y comercio pa tene cuenta cu nan orarionan di oficina. E duaneronan lo haya un “long weekend” manera nan ta yam’e na Ingles of un “dia festivo-feriado” of “puente” manera ta yam’e na Spaño net prome cu Pasco y celebracion di Aña Nobo.
Diabierna 23 di december 2022 e oficinanan di Aduana lo ta cera en conexion cu ATV dag obligatorio di gobierno. Tur servicio pa cliente y publico en general lo reanuda riba diamars dia 27 di december 2022.
Diabierna dia 30 di december 2022 e oficinanan di Aduana lo ta cera en conexion cu ATV dag obligatorio di gobierno. Tur servicio pa cliente y publico en general lo reanuda riba diamars dia 3 di januari 2023.
Ta suplica tur cliente pa tene cuenta cu e anuncio aki y percura la pidi servicio na tempo pa evita cualkier inconveniencia.
