Autoridadnan ta haci un apelacion pa yuda nan den investigacion di e caso cu a sosode siman pasa den persecucion di un turista cu a causa basta daño den trafico.
Recherche di districto di Santa Cruz cu tin e caso aki bou di investigacion ta en busca di video di e sucedido riba 19 di februari, 2021.
Recherche di districto di Santa Cruz conhuntamente cu Ministerio Publico ta busca cualkier persona cu por tin un filmacion di e sucedido di dia 19 februari 2021 y por mande na e Email: [email protected].
Ta trata aki di e turista cu polisnan a logra para y detene despues di un persecucion, na altura di Savaneta. E turista a pone bida di diferente persona na peligro y dado momento hasta polis mester a los tiro di advertencia.
Ta papia aki di cualkier tipo di filmacion, esta for di momento di e persecucion cu a yega te San Nicolas y bolbe direccion di Savaneta, unda finalmente el a para, pasobra e auto no por a sigui mas.
Den e sucedido aki, e turista cu tabata core den un vehiculo di huur, a causa daño na varios auto mientras cu e mes ta interna den hospital.
