SV Britannia a wordo funda 12 oktober 1958 y e aña aki ta cumpli 60 aña di existencia. Hopi no por a kere cu un organisacion chikito por a crese y bira un di e organsacionan mas respeta na Aruba y na Antillas.
Na aña 2001 SV Britannia a promove pa division Honor y e aña aki ta di su 16 aña consicutivo di ta claifica pa play off di Aruba su futbol. Directiva di SV Britannia pa medio di esaki kier a gradici tur su ex miembronan, ex miembronan di directiva, ex miembronan di diferente comicion y tur persona cu di un forma of otro a contribui cu nan granito di arena pa hasi awe SV Britannia un di e organisacionan mas grandi di Aruba. Tambe directiva SV Britannia kier a gradici tur sponsernan cu den pasado a carge e organisacion di Piedra Plat.
Actualmente SV Britannia ta consisti di tur division di futbol di tanto Damas, mucha, hubenil, Junioren y division Honor. E organisacion di Piedra Plat ta cuminsa na e edad di 4/5 aña. Nos divisiionan ta U-5, U-7, U-9, U-11, U-13, U-15, U-17, U-19, U-21, Division Honor y Damas. Play off ta programa pa cuminsa diabierna 18 di mei 2018 y lo termina 7 juli 2018. E organisacion di e Pumanan ta conta cu e apoyo di e bario di Paradera, Piedra Plat y vecindario y tur amante di bon fubol na Aruba. Un daki special ta bai nos sponsernan pa campeonato di 2017/18 cu ta; Bright Bakery, Frisian Flag, Western Union, Pizza Hut y Total Finance.
