Un biaha mas a bin topa cu sushi den Oranjestad. Reportero di 24ora a bin topa cantidad di sushi den Steenweg, cu ta duna un mahos bista na e area aki cu ta frecuenta pa tanto local como turista.
E sushi cu a bin topa cu ne ta na gran escala, manera ta conoci den boca di pueblo: “un poco di tur cos” manera: airco bieu, caha, saco di sushi, tire, palet y otro obheto cu ademas di ta un bista hopi desagradabel. Tur esaki ta forma un criadero pa tur sorto di insecto y sangura. Pa resumi, e ta un situacion a-hygienico den pleno centro di ciudad.
Ta haci un apelacion na Bureau City Inspector of instancianan concerni pa por bay na e area aki solicitando nan personal pa laga kita e sushedad ocasiona pa e hendenan cu no ta consciente di e deber manera hende civilisa y educa di tene Aruba limpi.
