Diasabra, pa mas of menos 3:15 am, a ricibi informacion cu un auto su so cu su so a accidenta den e bario di Piedra Plat.
Polis a presenta n’e sitio y a bin topa cu un Infinity colo shinishi, pega rib’un baranca cant’i caminda.
Pa un motibo of otro, e chauffeur, coriendo riba e camind’i Piedra Plat, lo a perde control riba stuur, a baha fo’i caminda y a subi un pida baranca. Den e proceso el a benta un mata completamente abao.
Prome cu polis a yega, e chauffeur a baha na awa den un direccion desconoci. Polis n’e sitio a tuma detaye di e auto pa asina traha un rapport.
