Stony Coral Tissue Loss Disease ta un malesa di coral sumamente contagioso cu durante e ultimo añanan a plama rapidamente den area Caribense. Na aña 2014 a meld e malesa aki pa prome biaha na Florida y e ta afecta mas cu 20 tipo di coral di piedra, entre otro constructornan importante di rif manera coral pila, coral seso y coral strea.
Dentro di Caribe Hulandes actualmente a confirma perdida di tehido di coral di piedra na cinco di e seis islanan, cuminsando na CD Margen na aña 2018, CD Estados na aña 2019, Saba na aña 2021 y mas recien na Boneiro y Corsou na luna di maart y april 2023. E brote di malesa di coral aki por tin consecuencia economico y social considerabel dentro di Caribe Hulandes. Dutch Caribbean Nature Alliance (DCNA) ta insisti cerca hendenan pa cumpli cu e recomendacionnan di e organisacionnan local di maneho di areanan proteha (parkenan), pa medio di tene nan mes na e regla-, prescripcion- y instruccionnan pa usuarionan di lama y di e deportenan acuatico pa meld nan observacionnan na e parkenan of na Atlantic and Gulf Rapid Reef Assessment Program (AGRRA).
Impacto
Ref di coral ta cas di hopi bida bou di lama, entre otro spons, cangreu, turtuga y hopi tipo di pisca. Rif di coral ta importante tambe pa hende pa proteccion di costa, turismo y pesca. Perdida di coral como consecuencia di e malesa di coral aki tin consecuencianan ecologico considerabel pa e ecosistema marino den nos region. E malesa por causa daño extenso na coral cu un impacto negativo riba henter e ecosistema di rif. Mortalidad di coral por conduci entre otro na deteriora di populacionnan importante di pisca y influencia e forsa di atraccion di turismo recreativo. E malesa ta plama rapidamente entre coral duro, pero no tin un influencia directo riba salud di hende.
Opcionnan pa reaccion
Diferente organisacion ta traha riba combatimento di e malesa di coral aki, pa medio di identifica e causanan y desaroya strategianan di maneho. E malesa ta plama rapidamente via awa di lama of via contacto directo cu coral infecta. Tempo ta cabando y e accionnan dirigi di maneho pa limita plamamento di Stony Coral Tissue Loss Disease ta encera ceramento di e sitionan, desinfeccion di ekipo di buceo, autoridadnan por trata coral den lama segun metodonan di ‘best practice’ y por warda coral den tanki di awa pa intento di recuperacion den futuro. Strategianan di maneho existente cu ta purba edifica resiliencia di e rifnan di coral contra menasa manera malesa, awor aki ta demasiado importante – manera no mishi cu e coralnan, mehora calidad di e awa, reduci presion di pesca y cumpli cu e protocolnan pa maneho di awa di balaster. Entretanto e investigacion ta sigui.
Con pa yuda
Habitante i turista tambe por yuda. Ta importante pa semper cumpli cu regla, prescripcion y instruccion. Zorg pa bo sigui e organisacionnan di maneho di areanan proteha (parkenan): Fundacion Parke Nacional Aruba , STINAPA Bonaire, CARMABI Curaçao , Saba Conservation Foundation (SCF), CD. Estados National Parks (STENAPA), Nature Foundation CD. Margen (NFSXM) – pa keda na altura di e cambionan di cada isla separadamente pa loke ta trata circunstancianan, reglanan, prescripcionnan i recomendacionnan pa usuarionan di lama i di deporte acuatico.
Ta pidi sambuyadonan pa keda leu for di sitionan di buceo contagia y pa desinfecta nan ekipo bon entre dos buceo. Tene cuenta cu pa diferente ekipo di buceo tin diferente recomendacion pa desinfeccion. Si ta posibel ta mas miho pa limita sambuyamento te na un solo sitio pa dia i seca e ekipo completamente prome cu bo drenta lama atrobe. Por meld observacion na e organisacionnan di maneho di e area proteha of na Atlantic and Gulf Rapid Reef Assessment Program (AGRRA).
Pa mas informacion
Potret: Un coral seso cu Stony Coral Tissue Loss Disease. Credito: STINAPA Bonaire
