Centro di ciudad ta bay celebra dos shen dentro di algun dia. Pero den henter e atmosfera di celebracion, no por keda sin menciona cu tin cosnan menos bunita pasando den Playa. Ta netamente locual cu presidente di Stichting Rancho, Clifford Rosa a señala durante un conferencia recien.
Rosa ta sinti cu di e forma aki ta uno menos bunita pa celebra e di dos siglo di centro di ciudad. Tin sushi tur caminda den Oranjestad. Porta, esunnan rond di minister y e minister mes no ta mir’e pero, desde cu a cera dump na Parkietenbos, Aruba a bira mas sushi cu nunca. Manera cu Otmar Oduber tambe a señala recientemente: “E minister ta gaba cu a cera un dump pero di otro banda a habri 100.”
Ta punto cu tin e presidente di Stichting Rancho preocupa. Desde prome di januari 2023, a mira e aumento di sushi den Oranjestad. Tin ora e Rosa mes ta hay’e ta piki sushi rond den Playa. Ta parce cu no tin un plan, tanto bal un un City Inspector pero nan no ta visibel den e “city” mes, ta locual cu Rosa a vocifera durante e encuentro cu prensa.
