Dia 30 di mei Stichting Rancho ta tene exposicion “E ofishi di palabra”. A scoge e fecha aki pa motibo cu esaki ta laga hopi hende di un generacion recorda locual por a pasa den Antias dia 30 di mei.
Clifford Rosa, presidente di Stichting Rancho, a indica cu tema di e charla ta tocante e palabra, e ofishi di palabra, e importancia di palabracion. Eigenlijk bou di e tema di indigena Wayu cu ta Pütchipü’ü cu ta e palabrero ta loke nan ta bay pasa den e exposicion. Pa loke ta e charla ta bay duna un tiki espacio, intercambia, reflexiona riba e tema di palabra. Esey ta algo importante pa Stichting Rancho. E exposicion ta habri dialuna, 30 di mei, pa 6:00 pm.
Pütchipü’ü ta un palabra di indigena Wayu, cu ta keda cerca den peninsula di Sur America. El a indica cu ta un parti di Venezuela, pero gran parti ta cay den Colombia. E ta un peninsula unda ainda ta haya e indigenanan aki ta biba. Durante e exposicion ta bay un tiki den historia, ta trata di siglo 17, 18 y e prome encuentronan cu tabatin entre e Spañonan cu e indigenanan. Caminda cu e indigenanan Wayu a rebeldia, a bringa na 1760 y pico contra e Spañonan y asina ey logra pa no ta colonisa.
Rosa a bisa cu esey ta loke eigenlijk ta algo cu ta den region, ta algo cu a sosode y mester tin un tiki mas conocemento riba e tema aki. Pütchipü’ü di e tempo ey caba ta mira y respeta como e persona di e grupo cu ta bay intermedia cu e otro gruponan. Mirando cu nan tin un sistema normativo cual ta esun cu e indigenanan ta aplica awendia. E ta algo protegi p’e patrimonio di humanidad di UNESCO.
Pa mas lesa TREMPAN.COM.
