Stephany y Harry Bergner y nan yiu Jayden, a bin Aruba basta biaha. Den e ultimo tres añanan, e Income Maintenance Technician y e Automotive Technician, ambos trahando pa e Estado di New Jersey, a bay Fishes & More Restaurant den Arawak Garden, unda cu nan waiter faborito Tony ta trahando.
Asina ta, prome cu nan a bula bin e isla, Stephanie a manda un e-mail pa Fishes & More, puntrando ki ora Tony lo ta eynan, planeando nan bishita pa coincidi cu su schedule. El a haya un sopresa ora cu el a wordo bisa cu Tony, kende nan ta haya “amigabel, eficiente y cordial,” a wordo promovi dentro di e compania (Aruba Wine and Dine) pa Nos Clubhuis. Nunca nan a scucha di e luga aki, famia Bergner a dicidi cu lo ta bal la pena bay Nos Clubhuis, djis pa bisa hallo na tony. Inmediatamente el a reconoce Harry, Stephanie y Jayden: e tabata un gran reunion.
Tony a conta su amigonan di New Jersey cu e cuminda na Nos Clubhuis ta super bon, asina ta, nan a purba e burger, wings, e shrimp y e skewers y nan a gusta nan un mundo. “Definitivamente nos lo tey bek,” nan a hura.Nos Clubhuis ta situa net riba Hadicurari Restaurant, cu ta situa entre Marriot Surf Club y MooMba Beach. Djis subi e trapi y lo bo yega na e restaurant relaha y feliz, unda cu e bahadanan di solo ta wordo incorpora por nada y e bista ta incomparabel. Tambe si simplemente bo kier bin bisa hallo na Tony, si bo a bira curioso….
