Tin bastante trabou ora di crea un bebida na Starbucks y e baristanan di Starbucks ta haci esaki cu pasion. Sea ta un espresso, latte, cappuccino of un frappuccino, e baristanan ta traha tur bebida cu hopi orguyo pa demostra nan abilidad y di e forma ey, eleva e experencia di cada cliente y calidad di e producto.
E simannan nos dilanti 2.000 barista di Starbucks di 16 pais den Latino America y Caribe lo participa na e competencia ‘National Starbucks Barista Championship’, di cual e prome etapa ta tuma luga den e propio establecimento pa despues pasa pa esun na nivel nacional y finalmente na nivel internacional. 16 Barista representando e miho di e mihonan for di Starbucks LATAM (Latinoamerica) tin e oportunidad pa comparti nan pasion pa calidad y arte di barista na e di 6 edicion di e ‘Barista Championship Experience’, e aña aki na Costa Rica.
Aruba tabata tin 5 competencia, cada tienda: Starbucks Renaissance Mall, Starbucks Renaissance Marketplace, Starbucks Paseo Herencia, Starbucks Aruba Marriott y Starbucks at Gloria a saca nan propio Barista Champion. For di e 5 baristanan aki, 4 a competi contra otro den un competencia hopi intenso. E competencia final a tuma luga na Starbucks at Gloria, cual ta Aruba su Starbucks di mas nobo. Un tienda moderno estilo ‘kiosk’ cu ta habri tur dia pa sirbi e miho koffie aki na Aruba.
E competencia a inicia cu Natasha Rasmijn (Starbucks Renaissance Mall) cu a duna un bon presentacion splicando asina e arte di koffie, sigui pa Alexsia Geerman (Starbucks Paseo Herencia) cu a inspira tur hende contando su experencia trahando na Starbucks. A toca turno despues pa Gillianne Alders (Starbucks Renaissance Marketplace), kende a sorprende tur hende cu un curason como su ‘latte art’. Y pa finalisa tabatin Alexander Lacle (Starbucks at Gloria) cu a captiva tur hende cu su carisma. No por saca un ganado sin un cuerpo di hurado, como hurado nos tabata tin Chanteau Ogilvie cu ta Director of Rooms Operations na Renaissance Aruba como tambe Enrique Ballestrini cu ta un ‘food and cocktail blogger’ y influencer aki na Aruba y autor tras di e pagina www.thefoodelife.com. Pa e parti tecnico tras di bar tabata tin Janella Werleman, Starbucks Coffee Master y Assistant Store Manager.
Despues di dos rond intensivo cu hopi purbamento di koffie a saca como ganado Gillianne Alders cu a representa e tienda di Starbucks Marketplace. Giallianne tin 4 aña trahando na Starbucks y ta un barista masha stima bou di e clientenan. Un Barista cu lo ta un digno representante pa Aruba na Costa Rica. Pabien Gilley!
Mester remarca tambe un dato hopi importante cu e aña aki Starbucks ta cumpli 50 aña riba mercado sirbiendo mundo henter e miho koffie. Den futuro, Starbucks kier crea mas positivismo bou di e partnernan y e comunidad unda cu nan ta estableci, ofreciendo asina producto sostenibel. Starbucks a caba di lansa un linea nobo di tumblers traha di material recicla, y poco poco ta introduciendo mas tienda bou di e concepto ‘green’. Pa Starbucks ta hopi importante pa su clientenan ta concsiente riba e cambionan pa un miho medio ambiente.
Tocante ‘Starbucks Barista Championship Experience’
A crea e programa aki pa celebra e orguyo y pasion di e partnernan encuanto e arte di barista. Pa ricibi e corona di campeon barista na Starbucks, mester tin amplio conocemento tocante koffie, habilidad artistico pa e bebidanan y e capacidad di aporta creatividad na e creacion di bebida. E baristanan campeon ta prepara pa nan funcion nobo siñando metodo innovativo di preparacion di koffie, perfeccionando nan habilidad artistico cu koffie cu lechi y purbando diferente tipo di koffie di henter mundo. E responsabilidad di un barista campeon ta pa comparti e conocementonan tocante koffie cu otro partner y cliente y pa sirbi como mentor den e klas di campeon di e siguiente aña.
