Diabierna atardi Stichting voor Verstandelijk Gehandicapten Aruba (SVGA) a despedi di Jeta Figaroa despues di 34 aña di servicio. Di tur e añanan Jeta a traha 30 aña na Pasadia Briyo di Solo cu hopi amor y pasenshi pa su clientenan, coleganan y mayornan.
Desde juli 2010 Jeta a traha como cabesante depues di hopi aña como guia den grupo. A pasa den bon y den malo den e temporada aki. Dos aña pasa ora Pasadia Briyo di Solo a kima tabata hopi duro pero Jeta a logra hunto cu su team pa drecha e departamento bek na un deparatmento hopi bunita y bon ekipa.
Durante e despedida tabatin palabranan di elogio pa cu Jeta. Su coleganan conoce Jeta como un persona cu hopi virtud. A wordo menciona entre otro: cliente na prome luga, bon contacto cu mayor, bon contacto cu colega, sentido hopi grandi di responsabilidad, humildad, relaha, bon scuchado y puntual.
Sigur lo sinti falta di Jeta pero ta dese’e un dushi pensioen bon mereci pa pasa hunto cu su casa. Masha masha danki Jeta pa tur e añanan di bon trabao, Jeta tabata un colega ehemplar!
