Cosnan bon so bo ta haya na All to Car. Por ehempel awendia bo por spaar hopi placa. Pero con? Uzando e forma di transporte na un forma inteligente. Helen Hernandez ta e cara di All to Car y e ta papia riba movecion, bicicleta y e servicionan cu All to Car ta ofrece e comunidad di Aruba.
Na All to Car ta haya absolutamente tur cos, segun Helen. Nan tin nan sosten tecnico, unda cu bo por bin drecha bo bicicleta. Nan tin dos tecnico cu a bin specialmente for di exterior y ta trahando na All to Car pa si tin algun problema cu e bicicleta.
All to Car no ta drecha solamente e bicicletanan cu nan ta bende, sino e cliente por bin cu su bicicleta pa nan por yuda bo cu ne.
No tin solamente e bicicletanan convencional. Helen ta conta cu nan tin e bicicletanan electrico. Ta un bicicleta special. Cu e bicicleta aki por dobl’e den mita y ta bira hopi mas facil pa hinca den auto. E ta hopi facil pa tin. Ta algo cu no por mira aki na Aruba y All to Car tin e stock mas grandi riba henter e isla. All to Car tin diferente bicicleta electrico di diferente estilo.
Pa e yiu tambe tin. Nan tin e quadracernan. No solamente mucha por uz’e, sino hende grandi tambe cu por dal un offroad cu e tremendo quadracernan aki.
Ta algun di e cosnan cu All to Car tin pa e comunidad di Aruba.
No solamente tin bicicleta, pero nan tin nan tirenan tambe cu frame di aluminium. Nan tin varios acesorio pa bicicleta, caminda abo por arma bo propio bicicleta, como tambe e frame cu por pone na auto pa colga e bicicleta. All to Car tin prijsnan economico y tambe diferente forma di pago.
Si bo kier bay cu un bicicleta, bo tin chens pa pag’e den cuater pago. No mester worry si no tin e cen completo. All to Car ta regla tur cos pa bo.
Pa e muchanan di mas chikito tambe tin bicicleta. Tin diferente tipo di acesorio pa nan tambe. Fuera di esey nan tin cover pa sienta, helm, tas tambe suficientemente grandi pa ora cu bo bay core bicicleta.
All to Car tin kedsnan special pa Mountain Bike. Bo por subi kico cu ta cu e tipo di kedsnan aki, sin conta e paña pa core bicicleta. E pañanan ta un set di flanel, short, mea, handschoen. Tur esaki ta disponibel na All to Car.
