Cuerpo Policial Aruba (KPA) a cuminsa bek cu nan opleiding di polis, unda ta conta cu grupo nobo. Pa e momento importante aki Sindicato di Polis Aruba (SPA) tabata presente pa ofrece palabra di animo. E opleiding di polis ta di perseverancia, pasobra dedicacion ta hiba na logro.
Rodney Solognier, presidente di SPA, a desea tur hende exito den e opleiding. El a splica cu e opleiding ta un doorzettingsvermogen (perseverancia), pasobra si dedica na e opleiding, e ora bo ta logr’e. “No mester ta e guy di mas sabi, pero gewoon zet door y bo ta logr’e”, el a indica.
Solognier a gradici e otro miembronan di sindicato, tambe e miembronan anterior cu a yuda logra cu esaki. Segun e sindicalista, el a forma parti di e ultimo klas, cu ta di 2015. Pa ocho aña no tabatin klas di polis. E ta contento cu a cuminsa bek cu e opleiding. E ta spera cu esunnan cu ta den e opleiding por haya e mesun derecho cu otro y asina ey por progresa den KPA.
Pa mas lesa TREMPAN.COM.
