Dia prome di January net algo prome cu 8or di anochi a sosode un caso serio di maltrato den Avenida Milio Croes. Yamada a drenta na Polis di hendenan bou gritamento pidiendo yudansa di Polis. 4 hende di cual dos den cada auto a yega y baha bati hende den e cas. Entre e agresornan tin homber y muher.
E autonan di e agresornan ta A-38765 un Kia Rio Oranje registra den Pampoenastraat y A-75477 y e auto ta registra na Cumana. Ambos adres Polis tin y nan sa tambe di kende e autonan ta. Polis a mira cu tin tres hende na e cas cu a haya basta sla y tambe un Menor cu a presencia tur cos tabata basta spanta. Presencia di recherche tabata necesario na e sitio. Esnan cu a bira victima di e atake aki den nan cas a haci keho oficial. No ta conoci e motibo di e agresion serio.
