Kaso di hinkamentu

Djárason dia promé di yanüari 2020 alrededor di 05.30’or di mainta, Sentral di Polis a dirigí un unidat di Punda pa un kas na Arnhemstraat pa un kaso di hinkamentu.

Na yegada na e kas, e unidat a topa un hòmber sintá riba un stul ku un herida di hinká na e parti ariba di su lomba.

For di investigashon ku polis a realisá na e sitio, a sali na kla ku tabatin un fiesta den seno familiar, ku despues a kaba den diskushon i bringamentu.

Durante di e bringamentu aki, un hòmber a keda herida ku un opheto skèrpi.

E herida no tabata di gravedat pero si nesesario, pa e víktima a haña atenshon médiko.

Ku ambulans el a keda transportá pa C.M.C.

Polis no a topa e sospechoso na e sitio pero tin atenshon p’e.

Investigashon den e kaso aki ta kontinuá.