Den estado Florida ta mustra cu e democrata Joe Biden tin un bentaha chikito riba presidente Donald Trump den e ultimo dianan di campaña p’e eleccion di dia 3 di november. E candidatonan ta empata den North Carolina y Arizona, segun e sondeonan di Reuters/Ipsos.
Siman pasa a haci un encueesta caba, cual a mustra cu Trump y Biden ta empata den tres estado. A tene encuesta cu posibel votadonan di seis estado, esta Florida, Arizona, North Carolina, Michigan, Wisconsin y Pensilvania. E estadonan aki lo hunga un papel critico di decision pa Trump gana pa di dos biaha of Biden bira presidente.
E resultado di e encuensta den e seis estadonan ta como lo siguiente:
– Florida: voto pa Biden 50% y voto pa Trump 46%;
– Arizona: 49% di voto pa Biden y 47% pa Trump;
– North Carolina: 49% ta pa Biden y 48% voto pa Trump;
– Michigan: 52% voto pa Biden y 42% pa Trump;
– Wisconsin: 53% pa Biden y 43% voto pa Trump;
– Pensilvania: 51% voto pa Biden y 44% pa Trump.
Texto cortesia di Reuters y potret cortesia di APnews
