Errol de Freitas, Presidente di San Nicolas Business Association ta admiti cu e accion di firma a bay bon, pero pa motibo di falta di personal a haci esaki poco fastioso. E ta algo cu mester sostene segun Freitas, pronto lo bini cu e total di firma compila, cual Freitas a bisa tabata decente.
“E realidad ta cu e proyecto aki ta sumamente importante pa nos pariba di brug.” Diadomingo a tuma luga un evento organisa pa SNBA pa stimula hende bin firma na fabor di hotel nobo pariba. A organisa un evento cu cuminda, musica y ambiente – cual riba rednan social por a tuma nota cu no tabata mucho na algun hende su agrado. “Esaki ta e ciudad di musica, e ciudad di cultura y herencia,” Freitas a expresa.
Tin hende ta bisa cu firma no ta bal nada, pero segun SNBA, realmente e ta un influencia. Bo ta imagina bo si ningun sistema hudicial, parlamento of Reino lo keda sin weita kico ta biba den curason di pueblo. Esaki ta un districto cu a carga Aruba pa hopi aña, anto awor djis pa e haya su prome hotel tin tanto dificultad cu un algun bisiña. “Unda interes general ta, dicon nos a yega asina leu? Mester pone tur e cosnan aki un banda.” SNBA ta hayando atake riba e tema aki y no ta kere cu por ta posibel pasobra e proyecto ta representa un economia pa pariba.
Lesa mas den TREMPAN.
