Un ciudadano a mustra nos riba e situacion peligroso cu ta existi na Sabana Liber. Na e area aki tin algun trabou andando.
E trabou ta encera cu a coba canal na banda, probablemente pa pasa tubo of kabel. Sinembargo, esey no ta e problema.
E problema ta cu e trabou aki ta causa cu e caminda a bira mas smal. E ta nifica cu chauffeurnan mester ta mas cauteloso y baha velocidad. Hustamente esaki ta loke cu no ta sosode. A pesar cu tin borchi poni den bisindario cu ta bisa no mas cu 40 km pa ora.
E otro situacion ta cu den oranan di anochi e borchinan no ta visibel. Na su luga mester pone reflector y no a pone e aparatonan aki. E consecuencia ta cu anochi e situacion ta mas peligroso.
Ta pidi atencion di instancianan pa ora cu ta haci e tipo di proyectonan aki, tene cuenta cu situacionnan den oranan di anochi tambe.