Sindicato di Polis Arubano (S.P.A.) ta yamando un reunion extraoridinario pa su miembronan, unda lo trece padilanti diferente informacion importante. Tur esaki tin di haber cu e ultimo informacionnan cu a bin padilanti y e sindicato no ta di acuerdo cu esakinan.
E reunion lo ta dia 19 mei pa 10:00AM na e “Openveld pazuid di Rennaissance Convention Center”. Ta pidi pa tur miembro ta presente na e reunion extraordinario aki y tambe na ora. Lo ta informando tur miembro cu S.P.A. lo ta formando parti di e marcha di diaranson, unda cu tin e participacion di SEPPA y SIMAR. Aki lo entrega un carta mustrando di no ta contento cu e mal maneho cu ta tumando luga di e gobierno.
Jose F. Dirksz, Presidente di SPA, ta pidi presencia di tur miembro di Sindicato S.P.A. na e reunion urgente aki. Sindicato S.P.A. ta corda tur su miembronan pa mantene e protocol di DVG bistiendo mask, un bril di solo y alabes ta pidi pa ta na ora na e reunion. Tambe ta recorda e miembronan pa mantene e 1.5 meter di distancia for di otro, cumpliendo cu peticion di distanciamento social.
