Den un articulo publica riba medio 24Ora cu su video nos por wak Minister Geoffrey Wever reacciona riba e hecho cu UO AZV mes a admiti cu e situacion di e fondo ta sumamente grave. Esaki no lo mester ta un sorpresa pa ningun hende como cu mi persona a publica varios analisis over esaki.
Aunke ta un poco berguensa cu un Minister di Asunto Economico di pais Aruba, ta sconde tras e hecho cu UO AZV no a manda un carta oficial, y cu no por comenta nada riba un grafico sumamente obvio di AZV su deficitnan.
Kier tuma e tempo pa recorda pueblo cu e desaster locual ta fondonan di AZV y no ban lubida Sociaal Pensioenfonds SVB y tambe e situacion espantoso di salubridad publico na nos isla NO ta cay bou responsabilidad di Minister Wever, pero esun di Minister Dangui Oduber.
Awo ta parce cu e Minister responsabel y concerni esta Oduber ta tuma tempo pa saca potretnan cu celebridadnan famoso, pero no ta duna ningun forma di comentario clave di e cosnan importante mes cu ta cay bou su cartera como Minister di Salubridad Publico.
Pa colmo e Minister cu a wak e slow-motion desaster aki di cerca y ta esun mas responsabel di tur pa e delaster 7 añanan aki, ta premira su mes como #1 riba lista di fraccion MEP den futuro.
No tin ningun plan concreto na e momento aki pa deal cu e problemanan cual ta AZV, SVB, un Hospital yenyen y un pueblo den sumamente mal estado di salud. E mandatario aki tawata tin 7 aña di tempo pa deal cu e situacion. Tambe kier nota cu e problemanan di e fondonan aki a wordo premira pa masha hopi aña caba den publicacionnan di fondonan mes y specialmente Banco Central di Aruba.
Ban pensa bon. Nos lo kier un futuro Minister President cu ta responsabel pa e desasternan aki?
