Diasabra ultimo SIMAR a firma un protocol di cooperacion cu SIMABO, cu ta Sindicato di Maestro di Bonaire y e otro ta cu USIBO, cual ta Union Sindical di Bonaire.
Cu e firmamento aki, por intercambia experiencia, conocemento y facilidad. Tur hende sa cu na Aruba, ta pasando hopi reto den enseñansa, segun Josephine Albertus, presidente di SIMAR. Enseñansa lo conoce un innovacion hopi grandi, si tuma nota na Bonaire, actualmente tur scol ta cumpli cu e rekisitonan di Inspectie der Onderwijs di Hulanda y tur a sali positivo.
Mas aleu, Albertus a splica cu door di e convencion firma aki, ta haci cu SIMAR por intercambia, informacion y conocemento cu nan, pa ora cu Aruba bay cana e caminda di innovacion, por haya conocemento di nan.
Pa un relato mas amplio, lesa TREMPAN di mañan.
