Sharline Koolman di DVG durante di un conferencia di prensa di gobierno, a toca tema di un di tres vacuna di COVID. Koolman a splica cu no ta considera e di tres vacuna aki como un boostershot sino di un serie di vacuna.
Pa loke ta COVID, prome a pensa cu dos vacuna lo ta suficiente pa duna e proteccion inicial y despues di un aña ta duna un booster pa por boost up e sistema inmunologico cordando cu tin anticurpa contra e virus.
Den e caso aki pa persona cu tin un sistema inmunologico abao, comprometi of debil, p’e grupo aki ta duna un di tres vacuna pasobra nan curpa pa un motibo of otro, despues di a haya un of dos vacuna y a haya por ehempel un chemotherapie despues di esey, ta kibra e werking di e dos vacunanan aki. No ta duna nan un proteccion manera un persona cu no a haya chemotherapie. P’e motibo ey nan ta haya e di tres shot.
Na Aruba tin mas of menos, hunto cu e dokternan di cas y specialista, a bin saca afo cu tin mas of menos entre 1000 pa 1500 pashent cu ta cay den e categoria aki.
P’e motibo ey tambe ta via di e dokter di cas of specialista lo haya un receta y cu esey ta presenta na Centro di Vacuna cu ta na DVG na Playa (ex Landslaboratorium). Nan por presenta aki cu e receta y ta haya nan vacuna. Fuera di esey nan tin un lista di pashent cu ta bin na remarca pa haya e di tres vacuna aki
Haya sa di e lista di pashent cu ta bin na remarca pa e vacuna aki y di cobertura completo den nos edicion di TREMPAN di mañan.
