Parlamento a aproba e cambio di Handelsregister, di cual votacion tabata 14-0. A haci cambio caba den e ley, pero como tabatin impacto riba otro ley a dicidi di hacie pa asina e por ta completo.
Setty Yarzagaray, parlamentario di MEP, a indica cu na principio a cuminsa c’un cambio BW2, esta e Burgelijk wet. Den e caso ey tin ripple effect riba otro ley. Un di e leynan ey ta regarda e parti di Handelsregister. Tambe e parti di combatimento y prevencion di parti terorismo, labamento di placa, financiamento di terorismo.
Unabes cambia un caminda den ley y tin impacto riba otro ley, e ora ey tin cu hacie tecnicamente sino e ley no ta completo. E ta parti di un afsluiting, parti tecnico legalmente. Logicamente e tin su impacto, pasobra e tin impacto riba Camara di Comercio cu tin di mantene e Handelsregister awo. Door cu e ley a cambia hasta e UBO, Ultimate Beneficial Owner, tambe mester ta registra den sistema di Camara di Comercio.
Esaki ta structura cu en principio mundo ta cambiando, globalisando, ta bin cu hopi creatividad. Antes tabata paga cu placa, transaccion bancario, pero awendia tin hopi sistema pa haci pago, transferencia, etc. E ta un forma cu bo tin cu keep track con e movecion di placa ta. Logicamente cu e prevencion di financiamento di terorismo y labamento di placa. Ta busca forma e ora eynan pa e structuranan aki cay acapara den e forma legislativo, den e parti ley legalmente. Un parti di dje tabata cambio di Handelsregister y pa motibo cu hopi biaha tra’i di e structura di NV of un otro rechtspersoon of juridisch stelsel ta sconde eigenlijk ken ta e doño. P’esey a bay tambe cu e Ultimate Beneficiary cu tambe mester ta registra den Handelsregister.
Pa mas lesa TREMPAN.COM.
