Durante periodo di vakantie grandi SETAR a introduci Roaming Bundles cu ta ofrece data solamente pa e clientenan di Postpaid, Hybrid y Prepaid. E Data Roaming Bundles tawata inclui e destinacionnan manera Boneiro, Canada, Colombia, Corsou, USA, Inglatera, Hulanda y mucho mas. Cliente di SETAR por scoge entre 4 bundles cu ta cuminsa cu 500 MB pa 7 dia te cu 5GB pa 30 dia, tur na prijsnan atractivo.
Desde prome di december, SETAR ta introduci dos Roaming Bundles nobo cu ta inclui un cantidad yamadanan “outgoing” y “incoming”, SMS y Data, esta e Dutch Kingdom Roaming Bundle y International Roaming Bundle. E Dutch Kingdom Roaming Bundle ta valido pa Hulanda, Corsou, St. Maarten y islanan BES y e International Roaming Bundle ta valido pa, entre otro, Canada, Colombia, Merca, Inglatera y mucho mas.
Clientenan cu servicio Postpaid ta paga nan Roaming Bundle via nan factura y clientenan di Hybrid y Prepaid ta paga esaki via nan credito. Download e SETAR App pa bo por cumpra e Roaming Bundles cu ta combinibo mas durante bo biahe. Cu e Roaming Bundles nan aki, SETAR ta duna su clientenan e oportunidad di semper keda den contacto cu cas. Bishita www.setar.aw pa haya sa mas di e Roaming Bundles cu SETAR ta ofrece.
