For di ayera caba, tin varios usuario a keha cu nan a experencia problema cu nan celular y esey a sigui awe. Hasta tin hende a purba yama pero no tin ni kiestoon. Mirando esaki, SETAR a publica un anuncio caminda cu nan ta informa cu nan ta confrontando e problema di ayera cu nan Mobile Network, cual ta conta pa tanto voice y data.
E anuncio ta sigui bisa cu di ayera tardi tin tur supplier y nan expertonaninternacional envolvi pa resolve e problema. Ta trata aki di un fayo compleho cu lo tuma su tempo pa resolve.
SETAR di e manera aki ta pidi disculpa p’e inconveniencia. Lo duna un update cada ora y lo informa despues. SETAR ta gradici tur su clientenan pa nan pasenshi, e anuncio a bisa por ultimo.
Ta di spera cu ainda pa awe, e red di celular por drecha, mirando cu hopi di nos ciudadanonan como tambe comercio, ta depende riba nan servicio pa nan operacion di dia pa dia. Esaki sigur ta trece un perdida hopi grandi, ya cu e usuario no por swipe ora nan haci nan compra. Tin di remarca cu mayoria operacion comercial, entre otro den turismo, no ta uza cash mas y ta mas tanto sea debit/credit car.
Nos lo keda pendiente pa cualkier desaroyo cu tin y lo informa nos usuarionan di e resultado aki.
