People Development Leadership Solutions lo organisa den luna di october dos seminario na MFA Paradera. E seminarionan aki ta un regalo di nan pa comunidad.
E dos seminarionan grandi aki lo tin un capacidad di 100 participante, asina Joase-Ann vander Biest a bisa. Lo duna seminarionan di Leadership, con pa ta lider, y Anger & Anxiety, con pa supera rabia y ansiedad. E seminario di liderasgo lo tuma luga dia 10 di october pa 6:00-9:00 y seminario di Anger & Anxiety lo ta dia 15 di october di 6:00-9:00pm.
E seminario aki ta pa un y tur, esnan cu ta sinti cu mester di un tiki inspiracion y motivacion pa sigui cu nan meta y proposito den bida. Si ta sinti cu kier un tiki mas liderasgo y kier supera un tiki mas, kier haya palabra di aliento pa supera rabia y ansiedad por atende e seminarionan gratis aki.
Karina Croes, director di PeDeL, a bisa cu nan ta un social enterprise cu ta haci human resources consultancy, proyect pace manpower y tin e hende central. E meta cu tin ta pa yuda e ser humano den e proceso di crecemento. Basa riba personanan cu ta yega cerca nan, a conclui cu tin un necesidad di ayudo eyfo. A evalua y analisa cu esaki ta e momento oportuno pa duna un man na esnan cu mester di dje. E seminario di liderasgo ta pa esnan cu tin hamber pa crecemento of kier refresca nan memoria, refresca capacidad di liderasgo. A crea con pa supera rabia y ansiedad cu ta un seminario unda lo yuda un persona discubri su mes y termina tur limitacion cu ta stroba bo.
Pa Martin Ras, spiritual coach di PeDeL, e parti di PeDeL ta e compasion y si no tin esey, no por yuda niun hende. Liderasgo ta un Servent Leadership pasobra un hende no por ta lider si e no ta un sirviente, asina el a expresa. Hesu Christo ta un modelo cu e ta uza pa siña otro kico ta liderasgo.
Pa registra y participa den e seminario aki, subi facebook page di PeDeL Aruba, bay riba e pagina di evento di ambos seminatio y ta registra riba e google form. PeDeL lo tuma contacto cu e persona pa sigura su cupo. Follow y like e pagina pa haya sa mas di diferente seminario cu lo ofrece y kico tur nan por asisti of yuda pa bo crece. Cuponan ta limita y si bo mester mas info por tuma contacto na 5880081, e-mail na [email protected] of pasa na LG Smith Blvrd 124 entre Tatami Sushi y CMB Insurance.
