Awe mainta, den careda di 10:30 am a sosode un accidente riba e caminda di Weg Fontein direccion Vader Piet. E accidente tabata entre e scooter MFA 1581 di Post Aruba y un cabrito.
E trahado di Post Aruba cu e momento ey tabata entrega carta, tabata sorprendi p’un cabrito. E cabrito a crusa dilanti e scooter y e motociclista no por a haci nada mas, y a dal e bestia.
Polis a presenta na e sitio pa atende cu e accidente. A pidi presencia di ambulance pa asina e paramediconan por a atende e motociclista herida.
E scooter no a sufri hopi daño material. Dos hefe di Post Aruba a presenta n’e sitio pa mira kico tur a pasa. Pa loke ta trata e cabrito, esaki a bandona e sitio. Forensys tambe a presenta na sitio pa traha un rapport di loke a pasa.
