Despues di nos dia nacional, Scol preparatorio Cayena a opta pa organisa un evento hopi educacional pa e muchanan.
Segun Juffrouw Lucita Regales-Wernet, cabesante di Scol Preparatorio Cayena, esey a bay hopi bon. A haci’e net despues di e dia di Himno y Bandera, door cu ta haya toch ta hopi importante pa e muchanan di scol por sa e historia di Aruba.
Diamars mainta tabata tin for di Museo Arqueologico, di cual a haya un bishita, unda cu nan a haya un splicacion di e cosnan di antes. Nan a come nan cuminda crioyo, nan pan bati y frekedel. Tambe nan a tene nan mes ocupa cu tipo di wega of charla. Un piscado a bin pa mustra e muchanan kico tur un boto ta encera. Kico tur ta encera un trabao di un piscado.
Tambe, pa un otro grupo, un otro orador a bin pa haya storia di caha di orgel. Tambe tabata tin un otro grupo cu e orador a bin cu su caha di orgel, cu a deleita e muchanan cu bunita cancion, cu su bailadornan. E muchanan a disfruta masha hopi, un dia despues di Nos Dia Nacional.
E scol lo sigui organisa tipo di eventonan asina, segun e cabesante. Ta algo hopi importante cu tin cu inculca den e muchanan chikito caba, pa asina nan por sa mas di nos pais, Aruba, kico tur nos pais por brinda y duna nos, y tambe di tur esnan cu a biba antes, nos antepasadonan, kico ta nos cultura. Ta importante pa e maestronan por hinca esaki den e muchanan cu ta chikito y hunto cu e mayornan, esaki ta engrandece nan vocabulario y asina nan por conta y sa kico tur pais Aruba por brinda y tin.
E organisacion a bay hopi bon. Den tur e maestronan, nan tur a yuda. Un a percura pa busca un piscado, e otro a percura pa busca e caha di orgel, e otro a percura pa busca un hende pa conta storia. A haci esaki den un team completo. Tin un organisacion completo cu esaki, segun e cabesante.